【無印良品成功 90% 靠制度】

---

作者：

松井忠三

.

好書指數：

6 / 10

.

---

大家好，我係小熊。呢本書岩岩前一兩個禮拜先睇完，新鮮滾熱辣。決定用黎做我寫既第一篇讀後感。

無印良品比大家既印象係點？簡約 清潔 整齊？呢個正正係公司高層想製造既 corporate image。但大家唔好誤會，呢本並唔係講點樣做好 Marketing 或者 Branding，而係比較偏向 Management 方面。整本書都係由 Muji 會長松井忠三編寫，講述佢自己點樣由 Muji 幾年前既赤字變成今日既成功。

其實一睇書名就知，制度化就係 Muji 最核心既管理方式。書中提及二千幾頁既 MUJIGRAM ，列出晒一個普通員工每日所面對既銷售同管理問題，再逐一講解其解決辦法。會長最終目標係想將公司既所有一切統一化，即係佢既制度化，將員工出錯既機會率減至零。

呢本咁重日本管理文化既書，未必岩香港公司用。一黎，編製一本百科全書係需要超級多時間，好少香港人會咁有耐性。二黎，日本人階級觀念十分重，習慣左遵從上司命令，守規矩辦事，每朝都要背公司格言，香港人又會唔會呢？

說實話，呢本書不算太值得一睇。會長講黎講去都係想話比大家知佢好成功咁改變左公司，起死回生，一切都係靠佢編制既制度。我會推介呢本書比想了解日本公司文化既朋友睇，但如果想學 Management 既話，呢本就未必幫到你啦。