【Liar's Poker 老千騙局】

---

作者：

麥可‧路易士

Michael Lewis

.

好書指數：

6 / 10

.

---

今次 Michael Lewis 以第一身份去講返佢大學畢業入左 ibank Salomon Brothers' 既經歷。當時 1980 年代，讀頂尖大學既學生都渴望可以係華爾街工作，賺取豐厚既人工。

經過幾年後，作者認為係華爾街工作正正係賭搏遊戲 Liar's Poker 既縮影。係華爾街工作既員工，每日都各自鬥膽色，靠運氣，或者極端 D，就會靠說話技巧令到投資顧客上當，買入根本唔值錢既爛貨。

愈幫公司賺得錢愈多既員工，地位就會愈高。公司存在無數自大自私既人。入面既文化係，有能力就唔需要尊重其他同事，粗口對駡絕對係平常事。

書中後半 part 講出 mortgage bond 同 junk bond 既出現。解究呢兩隻 bonds 點樣通過當時既銀行、政府"規管"，演變成為現今既合法投資產品。

繼 "Why I Left Goldman Sachs"，呢本係我第二本睇過關於 ibank 既黑材料。咁始終呢本書係 80 年代寫既，同依家 ibank 既境況或多或少都會有分別，至於分別有幾大，就要問下周圍既 ibanker 朋友啦。