【The Marshmallow Test: Understanding Self-Control And How To Master It 忍耐力：其實你比自己想的更有耐力】

---

作者：

沃爾特．米歇爾

Walter Mischel

.

好書指數：

5 / 10

.

---

作者 Walter Mischel 聯同幾位 professors 係 Standford University 對年齡 4 - 6 歲小朋友做左個 Marshmallow Test 。測試開始，小朋友會被帶到一間房，入面有張枱，枱上面有一粒棉花糖。之後，工作人員會同小朋友講佢有 D 事要出去，過一陣會返，如果小朋友係佢返黎之前無食到個粒棉花糖，就會可以食多一粒。

測試結果發現如果小朋友當時控制到誘惑，等到工作人員返，可以得到第二粒糖，佢地將來不論係學業上、工作上，甚至生活上都會比受唔住引誘既小朋友更好、更開心。從而得出「延遲享樂」既結論。呢種情況好多時係後天既因素。屋企既環境會唔會係長期處於吵吵鬧鬧？家長會唔會經常控制小朋友？

係香港，人人都講生活壓力好大，有好多時要自我控制，要有高 EQ，唔係就會形成情緒病或者係老細屋企人面前大爆發。我係呢本書最深刻學到既係，當我地感受到 negative 既時候，嘗試 disassociate 自己，將自己變成一隻蝴蝶，係遠處觀察呢件事，望遠少少。我地經常因為當時既情緒會將件事無限放大，更令自己鎖死係入面。但當你 disassociate 自己，或者以第三人稱再去睇，有可能你會覺得件事其實係小問題。你都可以利用未來既自己 future self 望返依家發生既事，究竟係咪真係咁嚴重？

最後，每當大家有決心做一件事既時候，不妨用 If x temptation occurs, then I'll embark on y strategy 呢句去 set 目標。假設你想減肥可以 set：如果我個日唔做運動，咁我之後一個禮拜就唔可以食甜野。

我今次用左一個半月先完成曬成本書，原因係 3/4 既部份都好學術性，好似睇 paper 咁，有部份都幾沈悶，但作者的確將每個 theory 解釋得好仔細既。