【Sapiens: A Brief History of Humankind‎ 人類大歷史 從野獸到扮演上帝】

---

作者：

哈拉瑞

Yuval Noah Harari

.

好書指數：

9.5 / 10

.

---

（極度推薦本書予所有對人類歷史有興趣既朋友）

係幾萬年前，古人類逐漸從獨居變到群居，並且係現代中東地區組成遊牧聚落，開始發展人類文明。當時既人類好似小狗一樣，其實有幾個人種（據目前考古學所推測），而且需要避開野獸例如老虎既追殺。到後來經過一連串既發展，我地祖先開始懂得耕種，於是搵個好位置安定落泥......之後既發展層出不窮，最後我地先至係呢度！以下有幾項有趣見解分享下：

見解1: 金錢、帝國(/國家)、宗教

係乜嘢令當今社會超過70億既人互相信任、互相合作？人類無形間創造左3大目標，逼使人類合作。第一：金錢！金錢可以令大部分精英做金融醫生律師；第二：國家！不少國家都用民族意識，例如納粹德國，錯誤鼓吹人相信自己既民族（純種雅利安人）係最優秀既，所以要屠殺其他民族；第三；宗教！宗教令教徒遵守某d規則，規範自己既言行舉止。

見解2: 印地安人=印度人？

1492年，哥倫布從西班牙出發向西航行，希望可以搵到一條去東亞既新航線。當時佢根本唔知從西班牙到東亞中間仲隔住個美洲大陸。當佢地一行人見到陸地，就錯誤以為到左印度，所以佢就叫當地人做「Indians」。所以點解美國原住民叫做「印地安人」。

呢本書俾我既得著實在太多太多，因為作為智人(homo)，我到依家先知道整個人類歷史。從歷史當中我地可以得知將來既發展。或者未來我地會利用科技，將人類推向另一個境界。（所以我將會睇佢另一本書：人類大命運：從智人到神人）。歡迎大家一齊睇！