【Blink: The Power of Thinking Without Thinking 瞬間決斷】

---

作者：

麥爾坎・葛拉威爾

Malcolm Gladwell

.

好書指數：

8 / 10

.

---

用直覺黎做判斷係咪壞事？其實唔係。

Malcolm Gladwell 又係我另一位好鍾意既作者，佢會利用心理學、社會學去解釋點解我地日常生活對事情會有不同既態度同想法。唔洗驚，作者唔會用 D 好深既 theory，每個 chapter 都係用 D 得意既故事去令你更易明白，你仲會更加了解自己既另一面。今次呢本書就會講，點解我地平時會話直覺 (snap judgement) 仲準確呢？原來係有解釋既。

有時"直覺"真係準過你用好多 information 去分析一樣野。你可能會諗，點解有 D 人咁容易就可以做出準確既 decision，但自己就諗爆頭都得出唔到一個準確既答案？點解有時你做出既 decision 好難用言語講到出黎？當人地問你，"咦，點解你會有呢個決定既？"，你或者只可以好膚淺咁答，"Eh...直覺 lor lol"...但其實係有得解釋架！作者稱呢個行為做 thin-slicing。

抽其中一個 chapter 黎講。書中有一位婚姻專家，佢就憑 thin-slicing 用 3 分鐘就知一對夫妻會唔會係短期內離婚，或者用 15 分鐘就知佢地既婚姻會唔會長達至少 15 年。可以同你做個小測試：平時你同男／女朋友鬧交，當對方好嬲咁講 "你可唔可以收聲，聽我講！"，你會即刻鬧返佢轉頭定會講 "Sorry 呀，你講先"？唔洗我講到咁白，大家應該都 get 到想擁有一段長久既感情，你必須要有高 EQ 同正面既態度。以上呢個 example 就係想話比大家知，點解專家可以用咁短時間就知呢對夫妻既長久程度，呢個或者就係方間所講既"直覺"，其實係因為佢掌握到相關既信息，從而得出準確既推測。咁你依家都大概知道自己段感情既長久程度吧。

Thin-slicing：用少量既信息，去作出決定，個決定會不太準確，但用少量既「相關信息」，就已經足夠晒你去決定一件事，而個決定會係準確既。

下次當人地問你 "咦，點解你會有呢個決定既？" 其實你係用左 D「相關信息」，唔想再做膚淺既人，咁你就要努力諗下咩野係當時既相關信息啦。