【聚焦東盟】

---

作者：

瑞穗綜合研究所

.

好書指數：

8.5 / 10

.

---

真心一問：「大家有無諗過去東南亞發展？」 實不相瞞：「我有！」 筆者依家讀緊果科叫Asian Business Studies 亞洲商業學。喺過往呢一年半既日子裡我以學生的身分正式去過3個地方：越南胡志明市、日本東京、中國上海。其中一個深刻既感受係「中國製造」已經比「越南製造」、「柬埔寨製造」逐漸追上。世界開始聚焦亞洲最後一塊處女地區：東南亞。 東協／東盟即係由10個東南亞國家組成既聯盟。呢本書每一章深入介紹每個國家既政治、經濟、消費市場、前景、同投資風險。以下係部份值得留意既重點： 1. 馬來西亞的伊斯蘭商機 伊斯蘭教係馬來西亞既國教。所以馬來西亞大部分人都唔可以食豬肉、其他肉類都必須加工獲取清真認證。另外係金融方面由於伊斯蘭教禁止教徒收取和支付利息，馬來西亞發展出獨特既伊斯蘭金融制度，其伊斯蘭債券既發行規模占世界超過60%。 2. 泰國與周邊國家的「Thai Plus One」計劃 泰國係東盟發展較早既國家，所以經濟規模已經達到中高收入既水平。隨著泰國開始邁向產業升級既方向，泰國希望同周邊國家進行分工，首先興建基建例如道路、鐵路，連結柬埔寨、寮國、緬甸等國家，然後將勞動密集型工程移交比周邊國家，泰國就負責高階工程，提升國民技術水平同收入。 我強烈推薦大家睇呢本書，因為我確信呢本書可以開拓大家對出路既睇法。工作，不一定困喺香港、內地、台灣，仲有－東南亞。