【How to Sell Anything to Anybody】

---

作者：

Joe Girard

.

好書指數：

9 / 10

.

---

如果窮爸爸富爸爸係資產管理既聖經，呢本書肯定係銷售既天書！我無吹大，因為作者Joe係金氏世界紀錄既「最偉大銷售員」紀錄保持者，佢一生賣左一萬三千零一輛車，最勁一日賣左十八輛車。呢本書就係寫呢個痴線佬點做到 － 捉客戶心理。

第一：建立Birddogs System － 捉客戶比較信朋友既心理

呢個system係指派卡片比任何一個你認識既人（包括去開果間cafe既店員，係球賽高潮位向天撒佢d卡片），邀請佢地refer有需要買車既親戚朋友比佢，如果成功買既就回贈USD25比佢地。痴線佬Joe甚至同係銀行負責grant car loan既職員同車保險公司職員介紹呢個系統，令佢更容易接觸更多targets。

第二：Cold / Warm call － 捉客戶鍾意新鮮感既心理

當年Joe發現個個同事都攞著本phonebook由A字頭開始打cold call。佢覺得同佢地爭無好結果，於是由N字頭打，有好多N字頭既客戶第一次收cold call（因為個個都由A開始打），所以成功率好高（佢扮打比一個訂左車既客，通知佢攞車，扮打錯，然後順便同target打開話題）。Warm call係指痴線佬Joe係每次賣完車當晚打比個客，問下佢對架車滿唔滿意，順便介紹佢既Birddogs System。

第三：保持最佳環境接待顧客 － 捉客戶鍾意體貼服務既心理

好多顧客鍾意試車，所以Joe係車度噴灑清香劑，營造全新既氣味環境。又主動邀請target將車駛到佢既neighborhood，show off比佢d親朋戚友睇，增加佢想購買既意欲。係辦公室入面，Joe會同target傾一個「合理」既價錢同terms。Joe絕對唔會因為個客蠢蠢地就坐地起價，因為Joe相信輸1個客意味輸左另外250個客，因為個客唔開心既話，佢會數臭Joe。整個交流必須係誠實而又goal-oriented（令佢買佢想要既車）。

睇完呢本書我明白左銷售最重要係你既credibility。Joe既經驗話比我地知：回頭客比新顧客更重要！如果大家日後需要左銷售/pitching既工作，我極力推薦呢本書！