【The Storyteller’s Secret 跟 TED 學說故事】

---

作者：

羅伯特·清崎

Robert T. Kiyosaki

.

好書指數：

8 / 10

.

---

受到呢本書既啟發，我今日想同大家分享一個自己既故事。

十一年前，我係一個滑浪風帆培訓隊成員。每年我地都有超過5場巡迴賽同1場公開賽。每場比賽通常都連續星期六日舉行，而大部分賽事我地都要同平時一齊訓練一齊玩既朋友比賽。我記得係2006年其中一個月連續兩個星期都有比賽，第一個星期係長洲巡迴賽，第二個星期係係長洲舉行既香港公開賽。

第一個星期既比賽比我既係心力交瘁既挫敗感。我仲記得星期日果日，我勉強完成第一圈後翻番去集合區域，我發現我支控制桿斷左，我好驚，我向同我平時一齊訓練既朋友求救，求佢地幫我。但係比賽就好似平時考試一樣，大家平時可以互相勉勵一齊溫書，但當到考試既時候，大家都寧願顧好自己先，少理其他人，特別係對手。果個時候，係整個大海最安靜既時候，只有自己既喊聲。第一個星期比賽過後，我喊住同爸爸講我下星期唔想再去長洲比賽。爸爸無講野，只係繼續幫我拉鬆肌肉。我知道果一刻，爸爸唔想我放棄。

我唔想放棄，所以我選擇再去長洲比賽。我知道係呢個比賽、呢個大海入面我只有自己一個可以依賴，自己一個盡力贏呢場比賽。係接住落泥既圈數，我逐漸攞到優勢，最終以第三名（比賽人數唔止3個人，有30既個）獲獎。可能我好彩，但我更相信個天係公平既，當你遇到一樣挫敗既時候，你會更加明白人生何止百態，而令你捱落去既鬥志將會帶俾你意想不到既事情。如果當初我選擇放棄，我好可能會認為無朋友幫得翻自己就一定完成唔到件事。記住，At the end of the day, you are the only one you can rely upon.

以上既故事係一則令我變得獨立堅強既往事。我同大家分享係因為呢本書強調故事既真確性。真確性令人感受到你既真誠，分享故事亦然，交朋友亦然。希望大家可以將來同人分享故事都可以由心出發！